//
you're reading...
Cerito Suroboyo, Hiburan

Becak Motor

Dino minggu isuk Sugiyo kate nang pasar burung kupang. Tuku jangkrik gawe pakan manuk ambek sekedar mlaku-mlaku.
Rencanane numpak bemo len P jurusan kalianak. Tapi pas metu gang onok tukang becak medongkrong nang ndhukure becake, tibake Cak Pa’i tukang becak tonggo sebelah omah.
P (Cak Pa’i): “Kate nang endi Yo.. Ayo tak terno..”
S (Sugiyo): “Nang Kupang Cak. Kuat ta sampeyan ngengkol sak mono adohe..?”
P: “Ojok ngremehno koen.. Becakku iki jik tas tak pasang mesin. Iki nggawe mesine Yamaha RXZ, playune banter ngalahno bemo” (padahal bemo lhak yo singkatan becak motor yo..hehe)

Wah, lumayan iki isok luwih cepet tekan Kupang, ngono pikire Sugiyo.

Ongkos cocok, Sugiyo lungguh nang becak, budhal.
Dino minggu, dalan sepi. Pertamane becake Cak Pa’i mlaku sekitar telungpuluh kilometer per jam. Tapi pas kate ngliwati lampu merah prapatan diponegoro-Kutei, teko adoh lampune ketok ijo, playune becak ditambah ambek Cak Pa’i.

S (mbengok): “Wih, ancen banter playune becak sampeyan iki Cak.. Iki rasane wis mlayu swidhak lebih..”

Cak Pa’i mesem thok, sajak konsentrasi olehe nyetir becak.

S: “Cak, rasane lampu ijone gak nututi iki..”
Sugiyo kuatir, soale teko adoh lampu ijone kroso wis suwe..

Gak malah direm, playune becak malah ditambah ambek Cak Pa’i

S: “Cak, gak nututi Cak..”

Kurang sepoloh meter, gak temen lampu dadi abang. Kendaraan nang ngarep podho mandeg. Sugiyo mikir, Cak Pa’i pasti nge-rem mandekno becake. Tapi Sugiyo salah, becak pancet nyludhur ae. Playune gak kurang blas.. Braaak.. Bluuk.. Glodhaak..
Bempere mobil sedan ketabrak. Sugiyo njungkel, mecitat. Cak Pa’i yo podo, ndhlosor sampek ketindihan becak.

Sugiyo tangi nulungi Cak Pa’i, kate muring-muring gak tega ndhelok Cak Pa’i sambat-sambat ketindihan becak.
S: “Sampeyan iku yo opo Cak.. Wis eruh lampu merah kendaraan mandeg kabeh, lha kok becak sampeyan banterno malah sampeyan tubrukno bempere sedan”
P: “Iyo, sepurane.. Aku kepingin njajal mesine becakku sing anyar iki.. Tapi aku lali, nek rem-e tetep rem BECAK!!”

S: @*#+?)(&

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Anda pengunjung ke:

  • 27,593

Kalender tanpa pasaran

May 2012
M T W T F S S
« Apr   Jun »
 123456
78910111213
14151617181920
21222324252627
28293031  

Kontak via YM

Facebook

Visitors

%d bloggers like this: