//
you're reading...
Cerito Suroboyo

Polisi Mbeling

Mat Pi’i sak pancen pulisi mbeling. Senengane ndhoprok nang protelon ngenteni praoto sing liwat, terus nggolek kesalahane supir. Kurang tutupe pentil ban ae wis dijaluki duwik ambek Mat Pi’i. Nek istilah saiki dipalak’i. Gak isuk gak bengi, pokok dalan akeh praoto liwat, Mat Pi’i mesti njegegreg nyegati praoto sing liwat. Pokok tangane Mat Pi’i awe-awe, supire mesti nge-mel duwik, mbuh limangewu, mbuh sepoloh ewu.
Lha bengi iki, Mat Pi’i lagi nyegati praoto liwat. Onok siji praoto sing liwat. Muatane sajak abot. Masiyo tangane awe-awe, supire gak langsung ngekek’i duwik, tapi malah mandeg.
Mat Pi’i mbatin, cik kurang ajare sopir iki.. Opo njaluk tak tilang rebuwese ta..
Supire moro nang Mat Pi’i
S (Sopir): “Ngapunten Pak Pulisi, kulo mboten mbeto arto babar blas..”
M (Mat Pi’i): “Lho, opo njaluk tak tilang koen?”
S : “Nggih mboten Pak, kulo nyuwun lancar mawon”
M (rodok mikir): “Muat opo koen?”
S : “Selo Pak”
M (mbatin) : “Wah yo lumayan iki..”
M : “Yo wis, lugurno limo gawe aku! Sing gedhe-gedhe!!”
S : “Enggih Pak” (ambek heran, laopo pulisi iki kok njaluk watu.. Pikire sopir, gak opo-opo wis, sing penting lancar gak sido ditilang)

Bluk.. Bluk.. Gludhuk.. Bluk..Bluk.. Limang watu dilugurno teko praoto..

M : “Lho, laopo aku mbok luguri watu???”
S : “Lho terose, sampeyan nedhi gangsal?”
M : “Sik ta.. Koen maeng ngomong muat opo?”
S : “Selo alias watu”
M : “Dobol!! Krunguku maeng TELO. Wis ndang minggato. Gowoen watumu !#*@+?!

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: