//
you're reading...
Cerito Suroboyo

Esemka

Esemka

Isuk-isuk nang pabrik, Sudoni wis digoleki arek akeh. Sing nggoleki umure sekitar 18-20 tahun. Nek diitung, onok arek 3.
Dhuduk nagih utang, tapi arek-arek iki maeng nggoleki Sudoni soale oleh panggilan interview. Sudoni lhak bagian personalia, bagian nggolek pegawai anyar.
Jam 9 tit, proses interview dimulai. (Karena pabrik nggone Sudoni dhuduk golongan pabrik gede, nek nggolek pegawai gak usah atek psiko tes dan sebagainya, sing penting isok itung-itungan sederhana ambek niat kerjo, kebetulan sing diceluk iki maeng lulusan SMK kabeh, jare nek SMK lhak siap kerja ta).
Pelamar nomer siji diceluk. Dikongkon lungguh nang kursi ngarepe Sudoni. Terus ditakoni, sing kiro-kiro pertanyaan ambek jawabane sebagai berikut Sudoni (S), Pelamar (P):

S: “Sopo jenengmu?”
P: “Sapi’i Pak, biasa diceluk Pi’i.”
S: “Koen kepingin kerjo opo?
P: “Nggih kerjo sembarang Pak, pokoke saget angsal bayaran.”
S: (mbatin) wah, arek iki niat kerjo
S: “Kerjo bagian produksi yo?”
P: “Bagian produksi niku nopo mawon nggih pak kerjone?”
S: “Yo macem-macem, sing jelas angkat-angkat barang” (Sudoni ngomong sing gak enak dhisik, kepingin eruh niate kerjo arek iki)
P: “Wah, kulo niku kepingine bagian nulis-nulis mawon pak. Lenggah wonten kursi wonten mejone, ngajenge wonten komputer”
S (mbatin): Oooh, arek iki gak gelem kerjo kasar, yo wis aku yo nggolek posisi admin produksi.
S: “awakmu lulusan SMK listrik?” (Ambek moco ijasah pelamar, ijasahe teko SMK negeri)
P: “Nggih Pak”
S: “wis tau kerjo?”
P: “Dereng Pak”
S: “Isok komputer?”
P: “siyen saget Pak, nek sak niki sampun lali”
S: “Lho, kok isok ngono?
P: “Nggih Pak, kulo lulus sampun setunggal tahun, mulai lulus pun mboten nate nyekel komputer malih”
M (mbatin): oalaaah.. Brarti gak tau fesbukan arek iki
S: “Tak badhek’i yo.. Sak ton pirang kilogram?”
P: (meneng..mikir suwe..)
P: “Setunggal atus Pak”
M (mbatin): wah, lhak kok mek satus rek.
S:  “Bobotmu piro?”

P: “Seket gangsal pak.”

S: “Berarti abotmu keliwat teko separohne satus?”

P: “Nggih Pak..”

S: “Berarti abotmu luwih teko setengah ton?”

P: “Hehehehe… Nggih mboten Pak” (ambek ngguyu)

M (Mbatin): “nek ngene kok ngerti nek abote gak setengah ton..”

S: “Ok, nek sak ton satus kilogram, sak kilogram pirang gram?”
P: “Nggih setunggal atus pak” (njawab ambek yakin)
S: “Yo wis, nek jawabanmu ngono, saiki aku takon, sak ton pirang gram?”
P (mikir ambek komat-kamit ngitung)
P: “Seket ewu Pak!”
M (mbatin): “engh koen….”
S: “Tak kandani yo le.. Sak ton iku sewu kilogram, sak kilogram iku sewu gram… Wis, paham?
P: “nggih pak.”
S: “Lha, nek wis eruh.. Saiki sak ton pirang gram?”
P (mikir suwe): “Sepuluh ewu Pak..”
S: “wadooow, caramu ngitung iku yo opo..???? Wis, koen gelem kerjo bagian resik-resik kantor gak?”
Karepe Sudoni, kate didhelok niate nyambut gawe.
P: “Mboten Pak, kulo sekolah larang-larang kok nyambut damel mung bagian resik-resik..”
S: “Oalaaah.. Yo wis nek ngono.. Nglamaro nang pabrik liyo ae..”
(Sudoni mangkel, kiro-kiro nek nang film ngono, sebelahe sirahe onok gambar petir, bintang, gluduk, tanda tanya, tanda seru, lan sapununggale..)

Pelamar sing nomer loro diceluk yo podho ae.. dibadheki satuan berat ambek itung-itungan sederhana yo mbleset pisan. Dikongkon kerjo cleaning service yo pancet gak gelem. Minggir..!!

Pelamar nomer telu diceluk, jenenge Repajapai.

S: “Jenengmu Repajapai, bapak opo emakmu sing wong India?”
R: “Bapak emak kulo tiyang jawa asli. Sing njenengaken niku Mbah kulo, singkatan saking Rebu Pahing Jam Papat Isuk”
M (mbatin): “Ealaah… Nek lahirmu  senin legi jam limo, jenengmu isok segilimo..”

Waktu ditakoni satuan, Repajapai njawab bener kabeh.. sak ton sewu kilo, sak kilo sewu gram. Tapi bareng ditakoni sak ton pirang gram, njawabe sepoloh ewu… hadoooow

Terus Repajapai dibadheki maneh.

S: “Aku nduwe lengo nang drim, sak drim isine seket kilogram. Nek koen dikongkon kirim sak ton, njupuk pirang drim?”

Repajapai mikir suwe..

R: “Gangsal atus pak…”

S: “Ngawur!!”

R: “Eh, kaleatus Pak..”

S: “Pancet salah!”

Repjapai mikir suwe gak isok-isok njawab. Terus Sudoni takon,

S: “Nek koen nduwe duwek sewu, terus onok arek cilik-cilik kate mbok dumi duwek seketan. Arek piro sing oleh dum-duman duwek?”

R: “Kaledosoh Pak!!” (njawabe cepet gak atek mikir..)

Tibake nek ngitung duwek luwih cepet…

S: “Sik ta.. Nang Koran iku arek SMK wis isok nggawe montor dewe, lha kok koen isokmu mek ngitung duwek..?”

R: “Nggih Pak, niku konco-konco kulo… Lha kulo sering mbolos..”

S: “Lha koen kok isok lulus?”

R: “Nggih Pak, gurune ajrih menawi mboten dilulusaken mangke didemo..”

S: “Hadoooooow…..”

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Anda pengunjung ke:

  • 27,593

Kalender tanpa pasaran

January 2012
M T W T F S S
« Dec   Feb »
 1
2345678
9101112131415
16171819202122
23242526272829
3031  

Kontak via YM

Facebook

Visitors

%d bloggers like this: